អ្នកស្រី អ៊ិន ច័ន្ទបូរី បានបន្ថែមទៀតថា ហេតុផលមួយទៀត ដែលសហគ្រិនគួរទិញធានារ៉ាប់រងអាយុជីវិតសម្រាប់​បុគ្គលិក គឺដើម្បីជួយសង្គម។ ប្រសិនបើស្រ្ដីមេម៉ាយ ឬចាស់ជរាបាត់បង់ស្វាមីខ្លួន ដែលជាបង្គោលចំណូលសំខាន់​សម្រាប់គ្រួសារ តើនរណាជាអ្នកទទួលខុសត្រូវ? នេះគឺជាការយកចិត្តទុកដាក់មួយរបស់ម្ចាស់ក្រុមហ៊ុន ក្នុងការ​ជួយសង្គម ដើម្បីដោះស្រាយបញ្ហាជីវភាពរបស់ស្ដ្រីមេម៉ាយឬចាស់ជរា ឬកុមារកំព្រាជាដើម។

សម្រាប់ក្រុមហ៊ុនមេនូឡាយហ្វ៍ អ្នកស្រីបានលើកឡើងថា គោលដៅដែលយើងបើកឲ្យមានផលិតផលមួយនេះ​ គឺ​ដើម្បីជួយជំរុញឲ្យសហគ្រិននីមួយៗ ចេះយកចិត្តទុកដាក់លើបុគ្គលិករបស់គាត់។ ពីមុន យើងមានតែធានា​រ៉ាប់រង​បែប​ឯកជន (Personal Insurance) ដែលអ្នកទិញអាចទិញបានសម្រាប់ម្នាក់ៗ។ ដូចនេះប្រសិនបើសហគ្រិន​ចង់​ទិញ ​ជូនបុគ្គលិករបស់គាត់ ២០នាក់ គាត់​ត្រូវ​​ទិញ ២០ប័ណ្ណ។ ដោយឡែក មេនូឡាយហ្វ៍បានបង្កើតនូវផលិត​ផលនេះឡើង ដែលផ្តល់នូវភាពងាយស្រួល និងកាត់បន្ថយការចំណាយបានយ៉ាងច្រើនផងដែរ។ ពិសេសជាងនេះ​ទៅទៀត បុគ្គលិកដែលទទួលបានធានារ៉ាប់រងអាយុជីវិតនេះ មិនតម្រូវឲ្យមានការពិនិត្យសុខភាព មុនពេលទទួល​បានធានារ៉ាប់រងនេះឡើយ។ សូមរង់ចាំអានលម្អិតពី សេវាកម្មធានារ៉ាប់រងនេះ នៅក្នុងទស្សនាវដ្តី ពាណិជ្ជកម្មកម្ពុជា លេខ ៣០ ចេញផ្សាយសម្រាប់ ខែកុម្ភៈ ខាងមុខនេះ៕

(ដកស្រង់ពី Newsfeedគហទំព័រ Business Cambodia – ហេតុអ្វីសហគ្រិន គួរទិញធានារ៉ាប់រងអាយុជីវិត សម្រាប់បុគ្គលិក?​​ )